主页 > M元生活 >【有图】日夜锻鍊去取胜!Pokemon GO玩到啦 >

【有图】日夜锻鍊去取胜!Pokemon GO玩到啦


【有图】日夜锻鍊去取胜!Pokemon GO玩到啦

有冇发现今朝喺街出现好多「奇行种」,攞住部手机左行右行好似睇罗庚咁,仲忽然发出兴奋嘅叫声?原因係万众期待嘅《Pokemon GO》今日正式上架App Store同Google Play Store,好多人第一时间做训练员!入咗Store搵唔到?只game暂时只于澳洲及新西兰上架,不过大家总有自己嘅方式下载到,你懂的,等笔者介绍吓个游戏玩法啦。

要做小智嘅朋友,第一步梗係装咗只game先。Android用家喺呢方面较有优胜,理论上只要部机行Android 4.4或以上,拖个apk档落嚟装咗佢搞掂。不过经过编辑部全体同仁瞓身测试,用ASUS机嘅启动游戏后一致面临无限黑芒,load极load唔入,可能关粒Intel CPU事。至于iPhone用家要行多几步,先申请澳洲或新西兰Apple ID,再入去当地App Store方能下载。

克服以上难关后开启《Pokemon GO》,首先会出现角色画面,畀各位设定性别、脸型、衣着等,选择唔多,笔者开心得济唔记得截呢部份嘅图,之后正式投入Pokemon世界。大地图结合咗GPS定位按玩家处身地点绘製,大家可以睇吓附近有咩小精灵出没,不过机会唔等人,等太耐就会闪走。你亦可以开埋AR功能,拎住部手机对住现实画面周围行,考验人品睇吓遇到咩小精灵。以下边截图为例,笔者就撞到只宝石海星。长按下方精灵球,目标小精灵上出现光圈,最好睇準光圈缩至最细时抛出精灵球,投中目标代表成功。罕有小精灵出没机率有几高?我就唔知喇,但身边有朋友坐车途中弹咗只梦梦出嚟。

【有图】日夜锻鍊去取胜!Pokemon GO玩到啦
◆ 大地图【有图】日夜锻鍊去取胜!Pokemon GO玩到啦
◆ 附近有咩小精灵呢?得影都估到嘅【有图】日夜锻鍊去取胜!Pokemon GO玩到啦
◆ 宝石海星出现了【有图】日夜锻鍊去取胜!Pokemon GO玩到啦
◆ 丢个精灵球出去【有图】日夜锻鍊去取胜!Pokemon GO玩到啦
◆ 成功捕捉【有图】日夜锻鍊去取胜!Pokemon GO玩到啦
◆ 随星附送糖果,未够糖果进化唔到

成功捕捉同时会为你带来糖果,主要用嚟升级同进化。另外,同Pokemon动画训练员一样,玩家会有图鉴显示返手上嘅小精灵种类,更加设置奖章系统。当然唔少得用嚟赚钱嘅课金元素,精灵球用晒梗係要买,特殊道具亦不会预先提供。交易以Pokecoin为货币单位,每100 Pokecoin卖$8,足以买20个精灵球,$8捉廿次价钱可以接受。至于道馆战,因为笔者返工期间唔得闲刷级,level太低玩唔到,敬请大家自行发掘。温馨提示,捉精灵还捉精灵,行街记住要睇路睇车。

19:00更新:官方发觉海外流量过大,疑似已锁区,海外IP无法正常游玩,虚拟GPS定位等均告无效。

【有图】日夜锻鍊去取胜!Pokemon GO玩到啦
【有图】日夜锻鍊去取胜!Pokemon GO玩到啦
◆ 图鉴,新手上路暂时仲好空【有图】日夜锻鍊去取胜!Pokemon GO玩到啦
◆ 奖章系统【有图】日夜锻鍊去取胜!Pokemon GO玩到啦
◆ 道具一览【有图】日夜锻鍊去取胜!Pokemon GO玩到啦
◆ 想要多啲球同道具,请课金【有图】日夜锻鍊去取胜!Pokemon GO玩到啦
◆ 100 Pokecoins买到廿个球【有图】日夜锻鍊去取胜!Pokemon GO玩到啦
◆ 设定画面

上一篇: 下一篇: